Smakujom mi łobiady od moij Omy. Oni wiedzom, co mi podchodzi. Nojlepsze som rolady, a ze zupów, wiadomo, żur. Starka robiom go roztomańcie – może być postny abo żyniaty, z wusztym i szpyrkami. Tego kwaśnego, czoskowego smaku nie do sie z niczym pomylić. Jak w kożdej ślonskij chałpie, u Omy w kuchni stoi zakwas, żeby było z czego zrobić żur. Ponoć tyn prawdziwy musi być z dobrej, rubej mołki, czosku i wody. I yno taki sprawdzony, dobry zakwas, zamiynio zwyczajno zupa w, nojlepszy na świecie, żur moij Omy.